Şu gün YouTube-a ilkinji wideo ýüklenenine 20 ýyl doldy. Wideo näme barada?

  • 23.04.2025 14:31
  • 11k+

Şu gün YouTube-da ilkinji wideonyň neşir edilenine doly 20 ýyl bolýar – 2005-nji ýylyň 23-nji aprelinde platformada «Me at the zoo» (Men haýwanat bagynda) atly 18 sekuntlyk wideo peýda bolupdy. Dünýäniň iň uly wideo platformasynyň başyny başlan ýazgy şol wideo bolupdy.

Bu wideony YouTube-yň esaslandyryjylaryň biri bolan Jawad Karim San-Diegodaky (ABŞ) haýwanat bagynda surata düşüripdi. Wideoda Karim piller hakynda gürrüň berýär.

«Bu haýwanlaryň iň täsin ýeri - olaryň holtumlarynyň örän uzyn bolmagy» — diýip, Karim wideoda aýdýar.

Neşir edileninden bäri, bu wideo 355 milliondan gowrak gezek görüldi we YouTube-yň başlangyjynyň nyşanyna öwrüldi. Häzirki wagtda bolsa, platforma her minutda 500 sagatdan köp wideo ýüklenýär.
Geçen 20 ýylyň dowamynda, Google-a degişli bolan wideoplatforma öýde düşürilen bloglardan başlap, göni ýaýlymlary, filmleri, klipleri hem-de emeli aň bilen döredilen dürli görnüşli mazmunlary özünde jemleýän dünýäniň iň uly hyzmatyna öwrüldi.
Ýubileý mynasybetli, ilkinji wideoda tort şekilli slaýder nyşanjygy we Karimiň ýeke-täk wideoly YouTube kanalyna gönükdirýän piliň şekili peýda boldy. Şeýle-de bolsa, onuň 5 milliondan gowrak abunaçysy bar.
Şu günki gün YouTube diňe bir wideo platformasy bolman, eýsem YouTube Music, YouTube Kids, YouTube TV we YouTube Premium ýaly hyzmatlary hem hödürleýär. Şeýle hem platforma 4K, 8K, HDR we VR ýaly ýokary hil aýratynlyklaryny hem goldaýar.


düýn 07:09
3.6k+

Google Play-den 77 zyýanly programma aýryldy: olar 19 mln gezek ýüklendi

Google Play programmalar dükanyndan jemi 19 mln gezek gurnalan 77 zyýanly programma bozuldy. Howpy Zscaler ThreatLabs gözleg toparynyň hünärmenleri ýüze çykardy diýip, BleepingComputer neşiri ýazýar. Gözlegiň maglumatlaryna görä, ýüze çykarylan programmalaryň 66%-den gowragy mahabat görkezýän programmalardy...

26.08.2025 14:37
4.1k+

Google-yň aýtmagyna görä, Gemini her soraga jogap bermek üçin bary-ýogy 5 damja suw sarp edýär. Hakykatdan hem şeýlemikä?

Google kompaniýasy Gemini emeli aňynyň daşky gurşawa ýetirýän täsiri barada öz barlagyny çap etdi. Kompaniýa netijeliligiň ýokarlanmagy bilen häzirki modeliň ortaça 0,24 watt sagat elektrik energiýasyny (telewizoryň dokuz sekuntlap işlemegine deň) we bir tekst soragy üçin takmynan 0,26 millilitr suw (bäş damja) sarp edýändigini tassyklaýar...

21.08.2025 23:43
2k+

Google resmi taýdan Pixel 10 smartfon hataryny hödürledi

Google resmi taýdan Pixel 10 smartfon hataryny hödürledi. Oňa esasy model, flagman Pixel 10 Pro we Pixel 10 Pro XL, şeýle-de eplenýän Pixel 10 Pro Fold girdi. Smartfonlaryň ählisi Tensor G5 çibinde işleýär we güýzde satuwa çykarylar...

20.08.2025 08:52
2.5k+

YouTube “Oskary” ýaýlymda görkezmek hukugyny satyn almak isleýär

YouTube “Oskar” baýragynyň gowşurylyş dabarasyny ýaýlyma bermek üçin hukuk satyn almaga gyzyklanma bildirýär. Bu barada iki çeşmä salgylanyp, Bloomberg habar berýär. Neşiriň bellemegine görä, barha abraýyny ýitirýän dabaranyň iň uly wideohostingde ýerleşdirilmegi oňa bolan gyzyklanmany artdyryp bilerdi...