Towuk öndürýan kompaniýa Trampyň wezipä girişmek dabarasyna iň köp pul beren kompaniýa boldy

  • 21.04.2025 12:16
  • 9.5k+

ABŞ-da iň uly towuk öndürijileriniň biri bolan Piligrim’s Pride kompaniýasy Prezident Donald Trampyň wezipä girişmek dabarasyna 5 mln dollar bagyş etdi. Bu şeýle goldawy beren ähli kompaniýalaryň  arasynda iň uly mukdardyr. Bu barada degişli sanaw bilen tanyş bolan The Wall Street Journal gazeti habar berdi.

Neşiriň maglumatlaryna görä, Trampyň inaugurasiýa komiteti tas 250 mln dollar ýygnady. Bu mukdar öňki rekorddan iki esse köpdür diýip, materialyň awtorlary belleýär.
Pul bagyş eden kompaniýalaryň arasynda iri kriptowalýuta kompaniýalary hem bar. Ripple kompaniýasy tas 5 mln dollar bagyş etdi. Robinhood Markets 2 mln dollar, Coinbase Inc. bolsa 1 mln dollar berdi.
Chevron nebit-gaz kompaniýasy 2 mln dollar bagyş etdi. Exxon Mobil, Occidental Petroleum we ConocoPhillips kompaniýalarynyň her biri degişli gazna 1 mln dollar iberdi.
Şeýle goldawy farmasewtika pudagynyň wekilleri hem hödürledi.
Şeýle-de, Amazon, ChatGPT hyzmatyny işläp düzüji, McDonald’s korporasiýasy, Delta Air Lines awiakompaniýasy, Nvidia tehnologiýa kompaniýasy, Boeing awiakonserni we beýlekiler 1 mln dollardan berdi.


23.10.2025 18:09
16k+

Nýu-Ýorkda “millionerleriň köçesinde” 102 gatly bina ýumrulyp başlady

Ýakynda Nýu-Ýorkdaky Park-awenýuda gurlan 102 gatly ýaşaýyş jaýy ýumrulmak howpunyň astynda düşdi. The New York Times-yň maglumatlaryna görä, munuň güman edilýän sebäbi gurluşykda ulanylan betonyň düzüminiň üýtgedilmegi boldy...

14.10.2025 20:31
4.6k+

Amazon MGM Studios Melaniýa Tramp hakynda film taýýarlaýar

Amazon MGM Studios ABŞ-nyň birinji hanymy Melaniýa Tramp hakynda dokumental film taýýarlaýar diýip, Variety habar berýär. Filmiň çykjak senesi 2026-njy ýylyň 30-njy ýanwaryna meýilleşdirilýär. Filme “Dykyn wagty” («Час пик») atly gülküli boýewik bilen tanalýan režissýor Brett Ratner ýolbaşçylyk eder...

14.10.2025 13:11
8.3k+

Tehasda awtomobil ululygynda NASA-nyň enjamy gondy

Tehas amerikan ştatynda meýdana awtomobil ululygynda NASA-nyň abzally kosmos enjamy gondy. Ýerli ýaşaýjy Enn Uolter, takmynan, 10 metr diametrli paraşýutda ýuwaşlyk bilen aşak düşýän obýekti gördi diýip, ABC News habar berýär...

02.10.2025 19:02
6.1k+

Trampyň akkauntyny petikläni üçin YouTube 24,5 million dollar tölär

YouTube wideohosting hyzmaty ABŞ-nyň prezidenti Donald Trampyň hyzmatyň üstünden beren talap arzasyny çözmek üçin 24,5 million dollar tölemäge razy boldy. Bu barada kazyýet resminamalaryna salgylanýan Reuters habar berýär...