Samsung kompaniýasy Galaxy M56 smartfonyny resmi taýdan hödürledi. Gurluş One UI 7.0 interfeýsi bilen Android 15-de işleýär. Kompaniýa täze smartfonyň alty ýyl täzelenmesini kepillendirýär.
Smartfon durulygy Full HD+ we täzelenme ýygylygy 120 Gs bolan Super AMOLED displeýi bilen enjamlaşdyryldy. Çarçuwa öňki model bilen deňeşdirilende 36% inçe boldy. Displeý Corning Gorilla Glass Victus+ aýnasy bilen goralýar, barmak yzynyň skaneri ekranasty ýerleşdirildi.
Galaxy M56 smartfony Exynos 1480 çibine esaslanýar. Operatiw ýadyň göwrümi 8 GB, içki ýat – 128 ýa-da 256 GB. Esasy kamera üç bölekden ybarat: 50 Mp (OIS bilen), 8 we 2 Mp. Frontal kamera – 12 Mp.
Akkumulýator sygymy 5000 mA/sag bolup, 45 Wt kuwwatly zarýad berşi goldaýar. Şeýle-de, Wi-Fi 6, Bluetooth 5.3 we NFC goldawy bar. Korpusyň ýogynlygy – 7,2 mm, agramy – 180 gram.
Galaxy M56-nyň esasy wersiýasy arzanladyş bilen satylýar we 300 dollara durýar.
