Hyundai kompaniýasy 2026-njy ýylyň «Palisade XRT Pro» modelini tanyşdyrdy. Bu ulag brendiň ýolsuz ýerler üçin niýetläp döreden XRT Pro seriýasynyň ilkinji modeli bolup durýar diýip, «ITHome» portaly habar berýär.
2026-njy ýylyň adaty «Palisade» modeline garanyňda, bu model täze radiator gözenegi, farkoby we öň tarapynyň özboluşly görnüşi bilen tapawutlanýar.
Salony H-Tex emeli deri bilen örtülen oturgyçlar (gyzdyryş we ýelejirediş funksiýalary bilen), 14 sany dinamikaly Bose ses ulgamy, fon yşyklary we elektrikli lýuk bilen enjamlaşdyrylan.
Ulagda eksklýuziw elektron yzky differensial (eLSD) bar, ýerden beýikligi 214 mm (adaty modelden 26 mm ýokary), şeýle hem eňňit ýerlere çykyş burçy (20,5°) we düşüş burçy (22,4°) artdyrylan.
Ulag ýolsuz ýerler üçin niýetlenen 255/60 R18 tekerler, HTRAC doly herekete getiriji ulgamy we palçykly, çägeli, garly ýerlerde tirkeg bilen hereket etmek üçin, täze ýöreýiş tertipleri bilen enjamlaşdyrylan. Şeýle hem ulagda eňňitden aşak düşülende tormoz dolandyryş ulgamy, kör nokatlara gözegçilik ulgamy, daş-töweregi 360° görkezýän kamera ulgamy we burçy hem-de beýikligi häzirki wagtda görkezýän displeý bar.
«Hyundai XRT Pro» täze 3,5 litrlik atmosferaly V6 hereketlendiriji bilen enjamlaşdyrylan. Bu hereketlendiriji 287 at güýjüni öndürýär we 8 basgançakly awtomatiki karobka bilen işleýär. Ulag, takmynan, 2,3 tonna çenli ýüki çekip bilýär.
