Türkiýäniň Prezidenti Rejep Taýyp Ärdogan 24-nji aprelde Stambulda Ýewropanyň Futbol Assosiasiýalarynyň Birleşiginiň (UEFA) wekilhanasyny açar. Bu barada türk lideriniň kanselýariýasyna salgylanyp, RIA Nowosti habar berýär.
Bir gün öň, 23-nji aprelde Çiragan köşgünde dabaraly kabul edişlik geçiriler. Oňa UEFA-nyň düzümine girýän 55 ýurduň futbol federasiýalarynyň prezidentleri, şeýle-de dünýä futbolynyň ýyldyzlary çagyryldy.
Stambul UEFA-nyň öz wekilhanasyny açýan üçünji şäheri bolar. Häzir guramanyň ofisleri Londonda we Brýusselde bar.
Türkiye gazetiniň maglumatlaryna görä, Halkara futbol federasiýasy (FIFA) hem Türkiýede öz ofisini açmagy meýilleşdirýär.
