Samsung täze goralan Galaxy XCover 7 Pro smartfonyny anons etdi. Ol 8-nji maýda 610 ýewro baha bilen satuwa çykar diýip, GSMArena neşiri ýazýar.
Smartfon IP68 we MIL-STD-810H ülňülerine laýyk gelýär, bu hem suwdan, tozandan we urgudan goragyň bardygyny aňladýar. Korpus rezinlenen gorag bilen üpjün edildi. Ekran Corning Gorilla Glass Victus+ aýnasy bilen örtüldi. 6,6 dýuým diagonally IPS displeýi Full HD+ durulygyna we 120 Gs täzelenme ýygylygyna eýedir.
Galaxy XCover 7 Pro smartfony Qualcomm Snapdragon 7s Gen 3 prosessorynda işleýär. Operasion ulgam One UI 7.0 interfeýsi bilen Android 15-dir.
Smartfon 6 GB operatiw ýat we 128 GB içki ýat bilen elýeterli.
Akkumulýator sygymy 4350 mA/sag barabar. Zarýad beriş USB Type-C 3.2 ýa-da POGO kontaktlary arkaly amala aşyrylýar. Smartfon 5G, Wi-Fi 6E, Bluetooth 5.4, NFC tehnologiýalaryny, bir fiziki SIM kartyny we e-SIM-i goldaýar.
50 Mp esasy kamera bilen birlikde 8 Mp ultra-giňburçly kamera bar. Frontal kamera – 13 Mp.
Beýleki aýratynlyklaryň arasynda stereodinamikalar, gapdal barmak yzynyň skaneri we programmalara çalt girmek üçin iki sany sazlanýan düwme bar.
