Porsche elektromobiller üçin batareýalary gaýtadan işlemek boýunça taslamasyny işe girizýär

  • 16.04.2025 09:50
  • 2.2k+

Porsche awtoulag öndürijisi köne elektromobil batereýalaryny gaýtadan işläp, olaryň düzümindäki gymmatly materiallary täze batereýalarda gaýtadan ulanmak üçin ýörite taslama işe girizdi. Esasy maksat – önümçilikde ýapyk aýlaw döretmek hem-de durnuksyz çig mal bazaryna bolan garaşlylygy azaltmak. Bu barada «Electrek» neşiri habar berýär.

Ulanylan batereýalar ýörite enjamlar bilen ezilýär we «gara massa» diýlip atlandyrylýan çig mal alynýar. Bu massanyň düzüminde nikel, kobalt, marganes we litiý ýaly gymmatly metallar bolýar. Soňra bu metallary arassalap, hersi aýratynlykda bölünip çykarylýar we täze batereýalaryň önümçiliginde peýdalanylýar.
Munuň bilen bir hatarda, Porsche Germaniýanyň Dormagen şäherinde batereýalary gaýtadan işleýän uly zawody gurýan Cylib atly startapy hem goldaýar. 22 müň inedördül metr meýdany bolan bu kärhanada her ýyl 30 müň tonna çenli köne batereýalar gaýtadan işleniler. Bu zawod Ýewropadaky şeýle görnüşli kärhanalaryň iň ulusy bolar.
Bu çemeleşmeler Porsche-niň uglerod bitaraplygyna ýetmek strategiýasyna laýyk gelýär hem-de 2031-nji ýylda güýje girjek Ýewropa Bileleşiginiň batereýalaryň gaýtadan işlenmegine degişli täze düzgünlerine laýyklykda amala aşyrylýar.


düýn 11:28
2.7k+

Toyota ýetginjekler üçin iki orunlyk FT-Me elektrik ulagyny hödürledi

Toyota kompaniýasy ýetginjekler, täze sürüjiler hem-de eltip bermek hyzmatlary üçin niýetlenen iki orunlyk FT-Me elektrik ulagynyň nusgasyny hödürledi. Bu ulag kwadrisikl görnüşine degişli bolup, käbir ýurtlarda ony 14 ýaşdan başlap sürüp bolýar...

23.10.2025 12:33
2.3k+

Porsche kompaniýasyna onuň öňki işgäri, ozal Ferrari bilen McLaren-de işlän hünärmen ýolbaşçylyk eder

Porsche AG-yň Synçylar geňeşi täze baş direktor hökmünde kompaniýada ozal ýokary wezipeleri eýelän Mihael Leýtersi belledi. Ol 2026-njy ýylyň 1-nji ýanwarynda wezipä girişer. Ondan öňki ýolbaşçy, soňky on ýylyň dowamynda premium brende ýolbaşçylyk eden Oliwer Blýume tutuş Volkswagen toparynyň baş direktory wezipesini saklap galar...

23.10.2025 10:07
1.4k+

Xiaomi Nýurburgring ýolunda täze YU7 GT elektrokrossoweriniň soňky synagyny geçirýär

Xiaomi kompaniýasy meşhur Nýurburgring ýolunda täze YU7 GT elektrik krossoweriniň soňky synaglaryny geçirýär. Ulagyň prototipi doly taýýar kuzowda görkezildi — bu bolsa köpçülikleýin önümçiligiň ýakyn wagtda başlanjakdygyny görkezýär...

22.10.2025 20:17
3.5k+

ABŞ-da elektromobillere berilýän subsidiýalaryň ýatyrylmagy sebäpli GM 1,6 milliard dollar ýitirer

General Motors konserni ABŞ-da elektrik ulaglaryny satyn almak üçin 30-njy sentýabra çenli güýji bar bolan federal salgyt ýeňillikleriniň ýatyrylmagy netijesinde, takmynan 1,6 milliard dollar ýitgi çeker diýip çaklaýar...