IT ägirtleri täze nyrhlaryň girizilmeginden ätiýaç edip, ABŞ-a 62,7 mln kompýuter getirdiler

  • 16.04.2025 07:58
  • 2.1k+

2025-nji ýylyň birinji çärýeginde Lenovo, HP, Apple we Dell ýaly iri tehnologiýa kompaniýalary ABŞ bilen Hytaýyň arasyndaky söwda çäklendirmeleriniň mümkinçiliginden howatyrlanyp, kompýuter enjamlarynyň gowşurylyşyny ep-esli ýokarlandyrdylar.

Canalys analitika kompaniýasynyň maglumatyna görä, ýylyň ilkinji üç aýynda dünýä boýunça kompýuterleriň iberişi 62,7 milliona ýetdi. Bu görkeziji öňki çärýek bilen deňeşdirilende 9,4% ýokary bolup, soňky dört ýylyň iň ýokary derejesi boldy.
Bu ösüş täze gümrük paçlarynyň güýje girmezinden öň, kompaniýalaryň ätiýaçlyk döretmäge synanyşmagy bilen baglanyşyklydyr. Esasy önümçilik bazalarynyň Hytaýda ýerleşýändigi sebäpli, öndürijiler goşmaça çykdajylardan gaça durmak maksady bilen, noutbuklaryň, stol kompýuterleriniň we iş stansiýalarynyň importyny çaltlaşdyrdylar.
Analitikleriň bellemegine görä, bu strategiýa kompaniýalara täze nyrhlardan täsirlenmeýän ätiýaçlyklary ýygnamaga mümkinçilik berdi. Ulanyjylaryň islegi durnukly galýan hem bolsa, öndürijiler gowşurylyşlary bilkastlaýyn ýokarlandyrdylar.
Öňräk kompaniýalar üpjün edijilerden önümçiligi tizleşdirmegi talap edipdiler. Birinji çärýekde gazanylan rekord derejesindäki gowşurylyş bu tagallalaryň üstünlikli bolandygyny görkezýär.
Ýatlatsak, Tramp administrasiýasy döwründe köp sanly elektron enjam we olaryň bölekleri gümrük paçlaryndan boşadylypdy. Paçlardan boşadylan harytlaryň arasynda smartfonlar, noutbuklar, gaty diskler, kompýuter prosessorlary we ýat mikroshemalary hem bardy.
Şeýle-de bolsa, ABŞ-nyň Söwda ministri Goward Lýutnik bu ýeňillikleriň diňe "garşylyklaýyn" paçlardan boşadylandygyny belläp geçdi. Şeýle-de ol öňümizdäki bir-iki aýyň dowamynda, esasan hem ýarymgeçirijilere degişli aýratyn gümrük paçlarynyň güýje girjekdigini aýtdy.

“Bu harytlaryň hemmesi ýarymgeçirijilere degişli bolar we olaryň Amerikada gaýtadan öndürilmegini üpjün etmek üçin täze nyrhlar güýje girer. Çiplere we ýarymgeçirijilere bolan islegimiz örän ýokary, biz bu ugurda diňe Günorta-Gündogar Aziýa garaşly bolup bilmeris. Şonuň üçinem häzirki ýeňillikler wagtlaýyn” diýip, Lýutnik “ABC” teleýaýlymyndaky “This Week” atly gepleşikde aýtdy.


22.08.2025 12:00
7.1k+

Waşingtonda Türkmenistan bilen ABŞ-nyň arasynda syýasy geňeşmeleriň 11-nji tapgyry geçirild

20-nji awgustda Waşingtonda Türkmenistan bilen ABŞ-nyň arasynda her ýyl geçirilýän ikitaraplaýyn syýasy geňeşmeleriň 11-nji tapgyry geçirildi. Türkmenistanyň DIM-niň habar bermegine görä, geňeşmeleriň dowamynda...

22.08.2025 11:54
6.2k+

Raşid Meredow Waşingtonda ABŞ-nyň Döwlet sekretary Marko Rubio bilen duşuşdy

20-nji awgustda Waşingtonda Türkmenistanyň daşary işler ministri Raşid Meredow bilen ABŞ-nyň Döwlet sekretary Marko Rubionyň arasynda duşuşyk geçirildi. Duşuşygyň dowamynda Türkmenistan bilen ABŞ-nyň arasyndaky ikitaraplaýyn hyzmatdaşlygyň häzirki ýagdaýy we ösdürmegiň geljegi ara alnyp maslahatlaşyldy, şeýle hem özara gyzyklanma bildirilýän halkara meselelere garaldy...

16.08.2025 18:03
17k+

Ýedi ýurduň Liderleri Trampy Parahatçylyk boýunça Nobel baýragyna hödürlemek teklibini goldady

Ak tam ABŞ-nyň Prezidenti Donald Trampyň Parahatçylyk boýunça Nobel baýragyna hödürlenmegini goldan daşary ýurt Liderleriniň sanawyny çap etdi. Bu habar Ak tamyň resmi saýtynda, X sosial ulgamynda ýerleşdirildi...

15.08.2025 17:34
8.2k+

ABŞ-nyň döwlet bergisi 37 trln dollardan geçdi – bu taryhy rekord

ABŞ-nyň umumy döwlet bergisi 37 trln dollardan geçdi. Bu barada ABŞ-nyň Maliýe ministrliginiň ýurduň gündelik maliýe amallary baradaky hasabatda görkezilen maglumatlaryna salgylanyp, Associated Press habar berýär...