Altynyň bahasy ilkinji gezek bir troý unsiýa üçin 3200 dollara ýetdi. Bahanyň ýokarlanmagy ABŞ bilen Hytaýyň arasynda ýitileşýän söwda gapma-garşylyklary bilen baglanyşyklydyr, sebäbi maýadarlar altyn we şweýsar franky ýaly ygtybarly aktiwlere ýüzlenýärler.
«BBC News-iň» maglumatlaryna görä, şweýsar franky dollara garanyňda soňky on ýylyň iň ýokary derejesine ýetdi.
SimCorp maýa goýumlary dolandyryş kompaniýasyndan Oliwýe d’Assie altyna bolan islegiň ýokarlanmagyny «howpsuz gaçybatalga giň gerimli gaçyş» diýip atlandyrdy, bu bolsa dünýä derejesindäki näbellilik we dürli ugurlarda kesgitli düzgünleriň ýoklugy bilen düşündirilýär.
Bu ýagdaý Wall Street-de we Aziýanyň gazna bazarlarynda soňky wagtlarda paýnamalaryň bahasynyň pese gaçmagy bilen has-da güýçlenýär.
