Prada moda öýi Capri Holdings Ltd kompaniýasyndan Versace brendini satyn aldy. Şertnamanyň bahasy 1,375 mlrd dollar boldy.
Capri Holdings brendiň satylmagynyň kompaniýanyň maliýe ýagdaýyny berkitmäge, Michael Kors brendine maýa goýumlary çaltlaşdyrmaga we paýnamalaryň bahasyny ýokarlandyrmaga ýardam etmegine garaşýar.
Mümkin bolan satuw baradaky habar heniz ýanwar aýynda peýda boldy. Şol wagt Il Sole 24 Ore italýan neşiri Prada-nyň Versace-i satyn almagy meýilleşdirýändigini habar berdi. Şeýle-de, Capri-niň Jimmy Choo brendini hem satmaga taýýardygy bellenildi.
Oňyn çaklamalara garamazdan, brend satylandan soň Capri Holdings-iň paýnamalary iň pes derejesinde 12,9% pese gaçyp, bir paý üçin 14,25 dollar boldy. Muny Nýu-Ýorkuň gazna biržasynyň maglumatlary delillendirýär.
Prada 1913-nji ýylda Mario Prada we onuň dogany Martino tarapyndan döredildi. Ilkibaşda kompaniýa deri önümlerini import etdi, soňra hususy önümçiligini ýola goýdy. Markanyň ösmeginde esaslandyryjynyň agtygy Miuçça Pradanyň orny uly boldy. Onuň hormatyna brendiň ikinji hatary – Miu Miu döredildi.
Versace italýan brendi 1978-nji ýylda peýda boldy. Ony dizaýner Janni Wersaçe esaslandyrdy. Kompaniýa egin-eşik, parfýumeriýa, sagat, aksessuar we beýleki kaşaň predmetleri çykarýar. 2018-nji ýylda Versace soňlugy bilen Capri Holdings Ltd adyny alan Michael Kors amerikan kompaniýasyna satyldy.
