Mehaniki klawiaturalary bilen tanalýan Keychron kompaniýasy ilkinji wertikal oýun syçanjygy M5-i hödürledi. Bu barada Notebookcheck habar berýär.
Adaty syçanjyklar eliň aýasyny aşak bakdyryp saklamaga mejbur edýär, bu hem goşaryň dartylmagyna we burulmagyna getirýär. M5-iň dik gurluşy penjäniň elleşmedäki ýaly tebigy ýagdaýda bolmagyna mümkinçilik berýär.
Syçanjygyň agramy 95 gram. Ol 30 000 DPI derejesi we 8 000 Gs ýygylygy bilen PixArt 3950 sensoryna eýe boldy. Bu ýokary takyklygy we gijikdirilmäniň pes bolmagyny üpjün edýär.
Üç usul arkaly birikdirme bar: USB-C, 2,4 GGs protokoly ýa-da Bluetooth 5.3 arkaly. 600 mA/sag sygymly akkumulýator 140 sagada çenli işlemegi üpjün edýär.
Ylmy gözleglere görä, dik syçanjyklar goşara düşýän agramy 45% azaldýar. Gurluş uzak wagtlap işlemek we oýnamak üçin amatlydyr. Syçanjykda bäş düwme, aýlama tigiri we teflon aýajyklary bar.
Onuň bahasy 69 dollara barabar.
