SkyPixel saýty 10-njy ýyllyk aerofoto bäsleşiginiň netijelerini yglan etdi. Şu ýyl bäsleşige dünýäniň dürli künjündäki gatnaşyjylardan 140 müň töweregi arza gelip gowuşdy.
Eminleriň düzümine belli fotosuratçylar we kinooperatorlar gatnaşdy, olar iň gowy suraty we iň gowy wideony saýlamalydy.
Wideo kategoriýasynda baş baýragy “Uruş – meniň özgerişlerimiň ýoly” gysga metražly film üçin Başir Abu Şakra aldy. Siz ony ýokarda görüp bilersiňiz.
Köp sanly haýran galdyryjy suratlaryň arasyndan eminler “Syrly şalyk” suratyny has gyzykly hasaplady: Gangerqia lakamly ulanyjynyň obýektiwine doňan howdanda yzlar zynjyryny galdyran gyzyl kelleli durna düşdi. Howdan şekili taýdan gözi ýada salýar.
Beýleki özüne çekiji işleriň arasynda şu aşakdakylar bar:
Wan Hanbin tarapyndan düşürilen gar erändän soňky köl tebigat bilen adamyň arasyndaky baglanyşygy görkezýär.
Tebigy Aýbi kölüniň goraghanasynda suw kanallary, Sinszýan, Hytaý, Çžan Bo tarapyndan düşürilen.
Hindi obasynda yssydan halas bolýan gäwmiş, A.B.Gusaý.
Taýwandaky Sýuguluan derýasynyň aýagynda balyk tutmak, tkaquest lakamly fotosuratçy tarapyndan düşürilen.
Nýu-Ýork, Hemptonsyň kenarynda skatlar we menhedenler sürüsi, Joanna Staýdl.
Buzlugyň üstündäki deňiz gaplaňy, Aleksandr Walçew.
Suwdaky buldur, Su Ýunsi.
Sisiliýanyň günorta-gündogaryndaky dag gerişleri, QB.Pixels.
Buzly suwdaky adam, Fadah.
Türkiýe, Gaziantep welaýatynda bugdaýyň ýygnalyşy, Hanifi.
Ähli suratlar tebigata we adamlaryň durmuşyna bolan üýtgeşik garaýyşlar bilen tapawutlanýar. SkyPixel bäsleşigi nobatdaky gezek guş uçuşynyň belentliginden görlen dünýäniň köpdürlüligini we owadanlygyny görkezdi.
Beýleki suratlary we iň gowy wideolary SkyPixel saýtynda görüp bilersiňiz.
