Amerikaly Tommi M. «Powerball» lotereýasynyň ýeňijisi bolup, 1 million dollar gazandy. Onuň aýtmagyna görä, bu wakanyň öň ýany ol düýşünde baý bolandygyny görüpdir.
«Düýşümde baý bolýan ekenim. Şondan hem millioner boljagymy duýdum. Ine-de, düýşüm hakykata öwrüldi» — diýip, ol UPI bilen gürrüňdeşliginde aýtdy.
Bu wakanyň öňüsyrasy Tommi agyr ýitgini başdan geçiripdir – ejesi aradan çykypdyr, soň bolsa eý görýän itini ýitiripdir. Bu wakalar onuň ruhy ýagdaýyna agyr täsir edipdir.
Özüni millioner eden utuş biletini ol onlarça ýyllap lotereýa biletini satyn alyp gelýän şol bir dükanyndan alypdyr. Tommi gazanan pullarynyň bir bölegini dynç alşa sarp etjekdigini, galan bölegini bolsa pensiýa üçin ýygnamagy meýilleşdirýändigini aýtdy.
