Mercedes 2025-nji ýylyň täzelenen S-Class modelini hödürledi

  • 06.04.2025 22:06
  • 5.3k+

Mercedes-Benz 2025-nji ýylyň täzelenen «S-Class» modelini hödürledi. Täze modelde şahsylaşdyrma mümkinçilikleri giňeldildi, multimediýa ulgamyna täzelenmeler girizildi we Drive Pilot awtopilot ulgamy kämilleşdirildi. Indi şertli awtonom sürüş ulgamy Germaniýanyň awtobanlarynda sagatda 95 km-e çenli tizlikde işläp bilýär.

Drive Pilot 35-den gowrak sensordan peýdalanýar, olaryň arasynda LiDAR hem bar. Ulgam dolandyryşy öz üstüne alyp bilýär, bu ýagdaýda sürüji başga iş bilen hem meşgullanyp biler. Zerur ýagdaýda, ulgam dolandyryşy sürüjä gaýtaryp berýär ýa-da howpsuz ýagdaýda saklanýar.


Täze «S-Class» modeliniň MBUX interfeýsi kämilleşdirildi, ChatGPT we Bing integrasiýasy arkaly gepleşik we gözleg mümkinçilikleri goşuldy. Şeýle hem Google tarapyndan hemra nawigasiýasy girizildi. Yzky oturgyçdaky ýolagçylar indi RIDEVU arkaly film görüp bilerler.
Kompaniýanyň metbugat gullugynyň beýannamasyna görä, Manufaktur maksatnamasy 50-den gowrak täze kuzow reňkini we 25 sany salon bezeg görnüşini hödürleýär. «Edition» atly ýörite görnüşine AMG elementleri we premium ses ulgamy goşuldy.


03.07.2025 10:54
5k+

Volkswagen, BMW we Mercedes sürüjisiz awtoulaglar üçin umumy programma üpjünçiligini döreder

Volkswagen, BMW, Mercedes-Benz we başga-da Germaniýanyň sekiz kompaniýasy, şol sanda Bosch we ZF awtoulaglar üçin umumy programma üpjünçiligini döretmek boýunça özara düşünişmek baradaky ähtnama gol çekişdiler...

02.07.2025 00:58
4.1k+

Mercedes arka ganatdaky kemçilik sebäpli «AMG One» giperkarlaryny yzyna çagyrýar

Mercedes-Benz kompaniýasy bilen Germaniýanyň Federal awtotransport edarasy bilelikde 275 sany nusgada öndürilen Mercedes-AMG One giperkarlarynyň 219-synyň yzyna çagyrylýandygyny mälim etdi. Bu bolsa ähli öndürilen modelleriň, takmynan, 80%-i diýmek bolýar...

02.07.2025 00:51
4.5k+

Mersedes-AMG 2028-nji ýylda täze V8-i çykarmaga taýýarlanýar

Mersedes-AMG täze V8 hereketlendirijisini işläp taýýarlaýar, ony 2027-nji ýylyň ahyrynda ýa-da 2028-nji ýylyň başynda çykarmagy meýilleşdirilýär. Muny bölümiň başlygy Mihael Şibe Motor1 bilen bolan söhbetdeşlikde mälim etdi...

01.07.2025 18:05
3.4k+

Mercedes-AMG 1360 at güýji bolan GT XX ulagynyň nusgasyny görkezdi

Mersedes-AMG 2026-njy ýyla çenli önümçilik sedanyna öwrüljek aşa güýçli dört gapyly kupesini - GT XX konsepsiýaly elektrik awtoulagyny hödürledi. Täze model Porsche Taycan, Xiaomi SU7 Ultra we beýleki ýokary öndürijilikli elektrik awtoulaglary bilen bäsleşmek üçin döredildi...