“Mançester Ýunaýted” 17 ýaşly ýarymgoragçy Amir Ibragimow bilen şertnama baglaşdy. Dagystanly futbolçy iňlis klubunyň akademiýasynyň ýetişdiren oýunçysy bolup, ozal "ManÝunaýtediň" ýaşlar toparynda oýnaýardy.
“Mançester Ýunaýted” bilen ilkinji professional şertnamama begenýärin, hiç zat üýtgemeýär, yhlasly zähmet dowam edýär. Alhamdulillah” – diýip, Ibragimow sosial ulgamdaky sahypasynda ýazdy.
Häzirki möwsümde futbolçynyň hasabynda 18 ýaşa çenli Angliýanyň premýer-ligasynda 16 oýunda alty gol we dört netijeli geçirim bar. Ibragimow ähli ýaryşlarda “MÝ” üçin 25 oýna, şol sanda UEFA-nyň ýaşlar Çempionlar ligasynda iki oýna gatnaşdy.
