Günorta Koreýanyň Xeta startapy QWERTY klawiaturaly we çekip çykarylýan selfi kameraly üýtgeşik smartfony anons etdi. Xeta One atly smartfon şu aý satuwa çykar.
Xeta One 2020-nji ýylda LG tarapyndan hödürlenen iki ekranly eplenýän LG Wing smartfonyna esaslanýar. 2021-nji ýylda kompaniýa ykjam gurluşlary çykarmagyny bes edip, satylmadyk toplumlary galdyrdy. Xeta işläp düzüjileri bu gurluşlary satyn alyp, ony gaýtadan işledi: esasy ekran aýrylyp, onuň deregine Blackberry Classic-den QWERTY klawiaturasy oturdyldy.
Smartfonyň ýene bir aýratynlygy – 32 Mp çekip çykarylýan frontal kameradyr. Käbir öndürijiler şeýle mehanizmleri 2017-2019-njy ýyllarda ulandy, ýöne soň tagaşyksyzlygy sebäpli olardan ýüz öwrüldi.
Gibrid aşakdaky aýratynlyklara eýe boldy:
- ·Ekran: 3,9 dýuým, OLED, 1240 × 1080, 60 Gs
- ·Prosessor: Qualcomm Snapdragon 765G
- ·Ýat: 8 GB operatiw, 128 Gb hemişelik, 2 TB çenli microSD
- ·Batareýa: 4000 mA/sag, 25 Wt çalt zarýad beriş
- ·Kameralar: 64 Mp esasy, 12 Mp giňburçly, 32 Mp frontal
- ·Arabaglanyşyk: 5G, Wi-Fi 5, Bluetooth 5.1, GPS
- ·OS: Android 13
Xeta One smartfonynyň bahasy 1 200 000 wona (takmynan, 818 dollar) bolar. Günorta Koreýada kraudfanding kampaniýasy işe girizildi, ol öňünden sargyt etmäge mümkinçilik berýär.
Işläp düzüjiler bu smartfony “täzeden döretmek taslamasy” diýip atlandyrýar – ol köne telefonlary gaýtadan ulanmak üçin niýetlendi.
