Fram2 ekipažy polýar orbitasynda tejribelere başlady

  • 03.04.2025 21:05
  • 1.8k+
Fram2 ekipažy polýar orbitasynda tejribelere başlady

SpaceX kompaniýasy tarapyndan uçurylan Fram2 missiýasynyň ekipažy polýar orbitasynda ilkinji gününden ylmy gözleglere girişdi.  

Esasy gözlegleriň biri uçuşyň ilkinji sagatlarynda adamyň agramsyzlyga uýgunlaşmagyna bagyşlanýar. Astronawtlar kosmos gurşawynyň astronawtlaryň kognitiw başarnyklaryna nähili täsir edýändigini öwrenýär. Bu Marsa uçuş ýaly uzak missiýalara taýýarlanmak üçin möhümdir.
Fram2Ham taslamasynyň çäklerinde Berlinden we Ýewropanyň beýleki şäherlerinden radio söýüjiler ekipažyň agzasy Rabeýa Rogge bilen aragatnaşyk gurdy. Tejribe polýar orbitasynda radio aragatnaşygynyň mümkinçiliklerini barlamak bilen, ýaşlaryň arasynda ylmy we tehnologiýany wagyz etmek boýunça bilim maksatnamasynyň bir bölegi boldy.


Şeýle-de, astronawtlar Starlink ulgamynyň ilkinji synaglaryny geçirdi. Tehnologiýa Ýer bilen durnukly aragatnaşygy üpjün etdi, bu bolsa geljekki kosmos missiýalary üçin möhüm ädimdir. Mundan başga-da, uçuşyň ikinji gününde ekipaž bortdan täze wideo hödürledi.
Fram2 missiýasy 2025-nji ýylyň 31-nji martynda başlady we orbitada üç-bäş gün bolar. Ekipažly Crew Dragon gämisi taryhda ilkinji gezek Ýeriň polýar sebitlerinden uçup geçdi. SpaceX we Ilon Mask eýýäm orbitadan ilkinji wideolary hödürledi.

ESA iň täze howa hemrasyndan alnan ilkinji suratlary görkezdi
düýn 16:33
2.1k+

ESA iň täze howa hemrasyndan alnan ilkinji suratlary görkezdi

Brýusselde geçirilen Ýewropa kosmos maslahatynda Meteosat hemrasynyň üçünji nesline degişli bolan MTG-S (Sounder) hemrasyndan alnan ilkinji suratlar jemgyýetçilige hödürlendi. Bu suratlar missiýanyň atmosferanyň temperaturasy we çyglylygy baradaky maglumatlary ýygnamak ukybyny subut edýär...

Ýerden 146 ýagtylyk ýyly uzaklykda ýaşaýyş üçin ýaramly planeta tapyldy
düýn 11:10
4.4k+

Ýerden 146 ýagtylyk ýyly uzaklykda ýaşaýyş üçin ýaramly planeta tapyldy

Halkara astronomlar topary ýaşaýyş üçin ýaramly bolmagy mümkin bolan täze bir planetany ýüze çykardylar. Ol Ýer şaryndan takmynan 146 ýagtylyk ýyly uzaklykda ýerleşýär. Bu açyş barada The Guardian neşiri Astrophysical Journal Letters žurnalynda çap edilen barlaga salgylanyp habar berýär...

Aýdan alnan topragyň seljermesi Ýerde suwuň gelip çykyşy baradaky düşünjeleri üýtgedýär
30.01.2026 20:13
3.5k+

Aýdan alnan topragyň seljermesi Ýerde suwuň gelip çykyşy baradaky düşünjeleri üýtgedýär

Aý topragynyň (regolitiň) seljermesi Ýerdäki suwuň esasy böleginiň daşarky kosmosdan gelmedik bolmagynyň mümkindigini görkezdi. Şeýle netijä takmynan 50 ýyl mundan ozal “Apollo” missiýalary tarapyndan getirilen nusgalary täzeden öwrenen amerikan alymlar geldiler...

Jeýms Webb garaňky materiýanyň iň takyk kartasyny döretdi
30.01.2026 03:49
1.1k+

Jeýms Webb garaňky materiýanyň iň takyk kartasyny döretdi

Jeýms Webb kosmos teleskopunyň maglumatlaryny işleýän alymlar garaňky materiýanyň şu güne çenli döredilen iň takyk kartalarynyň birini düzdiler. Gözlegiň netijeleri Nature Astronomy žurnalynda çap edildi. Täze karta — yşyk saçmaýan we görünmeýän maddyýet bolan garaňky materiýanyň adaty maddyýet bilen nähili baglanyşyklydygyny we  älemiň «kosmos karkasyny» (gurluşyny) nähili emele getirýändigini görkezýär...