«Barselona» we «Real» 26-njy aprelde Ispaniýanyň Kubogynyň finalynda duşuşar

  • 03.04.2025 08:15
  • 8.6k+

26-nji aprelde Ispaniýanyň Kubogynyň finalynda “Barselona” bilen “Real” duşuşar. Oýun Sewilýadaky “La Kartuha” stadionynda geçiriler.

Ýarymfinalda Karlo Ançelottiniň topary “Real Sosýedady” (1:0, 4:4) ýeňip, finala çykdy, “Barselona” bolsa Hansi Flikiň ýolbaşçylygynda “Atletikony” (4:4, 1:0) ýeňip geçdi.
Şu möwsümde “Barselona” bilen “Real” iki gezek duşuşdy we iki duşuşykda-da katalon kluby ýeňiş gazandy. Ispaniýa çempionatynda “Barselona” 4:0 hasabynda ýeňiş gazanyp, Superkubogyň finalynda bolsa 5:2 hasaby bilen utupdy.
“Barselona” Ispaniýanyň Kubogynyň final duşuşygyna çykmak boýunça rekordy täzeledi. Katalon kluby 43-nji gezek finala çykdy. Bu görkeziji babatda ol “Realdan” iki, “Atletik Bilbaodan” bolsa üç final köpdür. Katalon kluby bu Kubogy 31 gezek gazanypdy.


düýn 16:41
13k+

Türkmenistanyň milli ýygyndysynyň öňki tälimçisi litwa klubuna bellenildi

Türkmenistanly hünärmen Mergen Orazow Litwanyň “Dainawa” futbol toparynyň baş tälimçisi wezipesine bellenildi. Bu barada toparyň metbugat gullugy habar berdi. Ýewropa klubuna geçmegi tälimçiniň karýera  ösüşinde täze tapgyr boldy...

düýn 12:04
5.3k+

«Lion» futbol klubuny maliýe hasabatlylygyny bozandygy üçin 2-nji Liga düşürdiler

Fransiýanyň Milli gözegçilik we dolandyryş direktoraty (DNCG) «Lion» futbol klubuny maliýe hasabatlarynda ýüze çykan düzgün bozmalary sebäpli 2-nji Liga düşürmek kararyna geldi. Bu barada Fransiýanyň Professional futbol ligasynyň resmi saýtynda habar berilýär...

21.06.2025 12:22
7.8k+

“Liwerpul” “Baýerden” Florian Wirsi satyn aldy: APL üçin rekord transfer

20-nji iýunda “Liwerpul” Germaniýanyň milli ýygyndysynyň ýarymgoragçysy Florian Wirsi Lewerkuzeniň “Baýerinden” satyn aldy. Transfermarkt portalynyň maglumatlaryna görä, transfer iňlis klubuna 125 mln ýewro düşdi, bu hem Premýer-liganyň taryhynda satyn alnan iň gymmat futbolçy boldy...

21.06.2025 12:08
9.4k+

APL “Mançester Sitä” yzygiderli gijä galmalary üçin uly möçberde jerime saldy

Angliýanyň Premýer-ligasy ýaryşyň oýunlary başlamak we dikeltmek bilen bagly düzgünlerini yzygiderli bozandygy üçin “Mançester Siti” klubuna jerime salynýandygyny habar berdi. APL-iň resmi saýtyndaky beýana görä, geçen möwsümde Hosep Gwardiolanyň topary meýdança dokuz gezek gijä galyp çykdy...