Rus blogeri Polina Reznik Wladimir oblastyndaky tokaýdan “tonnalap” sowet pullarynyň tapylandygyny habar berdi. Tapyndy barada sosial ulgamlara salgylanýan RBC ýazýar.
Bloger taşlanan ýerleri we adaty bolmadyk lokasiýalary öwrenýär. Syýahatlarynyň birinde ol köne raketa şahtalaryna duş geldi. SSSR dargandan soň şahtalar ýapylypdyr.
"Wagtyň geçmegi bilen, bir wagtlar gizlin bolan harby desgalar batgalyga öwrülipdir, emma bir gyzykly hakykat bolmadyk bolmasa, bu ýerler hiç haçan ünsümizi çekmezdi. Olarda milliardlarça sowet pullary saklanyp galypdyr!" – diýip, bloger ýazdy.
Onuň sözlerine görä, Russiýa täze pula geçenden soň, köne kagyz pullar şuňa meňzeş ulanyşdan galan şahtalara dulanypdyr. Pullar aşa köp bolansoň, olaryň bir bölegi ýokarda görnüp galypdyr.
“Emma ýeriň ýüzünde dargaşyp ýatan pullaryň daşyndan erteki ýaly görnüşi bar diýäýmeseň, başga hiç hili gymmatlygy ýok. Bu diňe millionlarça reňkli kagyzjyklar" – diýip, Reznik sözüniň üstüne goşdy.
