ABŞ-nyň Milli ýol hereketiniň howpsuzlygy edarasy (NHTSA) hereketlendirijini awtomatiki işledýän we togtadýan ulgamyň (start-stop) işindäki näsazlyk sebäpli Honda babatda derňew işine başlady. Umuman, ýapon kompaniýasynyň 2 milliondan gowrak ulagy barlanmaga degişli edildi.
Amerikan düzgünleşdirijisi köp sanly şikaýatlaryň gelmegi sebäpli barlaga başlady.
Ulag eýeleri boş ýöreýişde saklanandan soň, kämahal ulagyň gaýtadan otlanmaýandygyny habar berýärler. Olar daşarky güýç çeşmesini ýa-da gyssagly otlaýyşy ulanmaly bolýarlar.
1384 waka hasaba alyndy. Olaryň dördüsi ýol heläkçiligi, ikisi şikes ýetme bilen tamamlandy.
Bu mesele meşhur modellere - Pilot wnedorožnigine (2016-2025) we Ridgeline pikapyna (2020-2025) degişli boldy.
Honda 2023-nji ýylyň ýanwar aýynda programma üpjünçiligini täzeledi, ýöne şonda-da şikaýatlar kesilmedi. Düzgünleşdirijiler kemçiligiň näderejede howpludygyny we kompaniýanyň näme etmelidigini anyklaýarlar.
Honda bu ýagdaýa entek düşündiriş bermedi, ýöne derňew millionlarça ulagyň yzyna çagyrylmagyna sebäp bolsa gerek. Bu kompaniýa üçin çynlakaý kynçylyk döreder, sebäbi bu modelleriň ABŞ-da her ýyl ýüzlerçe müňi satylýar.
