Internetde geljekki Samsung Galaxy Tab S10 FE we Tab S10 FE+ planşetleriniň häsiýetnamalary we renderleri ýaýrady. Maglumaty insaýder Mystery Lupin X platformasynda çap etdi.
Samsung bu maglumatlary tassyklamasa-da, syzylan maglumat täze enjamlaryň esasy görkezijilerine baha bermäge mümkinçilik berýär.
Modelleriň arasyndaky esasy tapawut displeýiň ululygy we batareýanyň kuwwatydyr. Tab S10 FE 10,9 dýuýmlyk WUXGA LCD ekrany (90 Hz), Tab S10 FE + bolsa 13,1 dýuýmlyk WQXGA ekrany alar. Iki planşetde hem Exynos 1580 prosessor, 13MP esasy kamera, 120 gradus görüş burçy bolan 12MP öň kamera, S Pen goldawy we IP68 goragy bar.
Tab S10 FE-iň batareýasynyň kuwwaty 8000 mAh we Tab S10 FE +-yňky 10090 mAh bolar. 45W çalt zarýad bermegi goldaýar. 8 / 128GB we 12 / 256GB ýatly görnüşleri bar, ony 2TB-a çenli giňeldip bolýar.
Tab S10 FE-niň Ýewropada 579 ýewro (8 / 128GB) we 679 ýewro (12/256GB) bahasy bolar. 5G-li modelleri 100 ýewro gymmat bolar.
Tab S10 FE+ -yň esasy wersiýasy 749 ýewro, ýokarky konfigurasiýasy 849 ýewro bolar.
Renderler öňki syzdyrmalary tassyklaýarlar: planşetlerde simmetrik çarçuwalar, bir esasy kamera we sag gyrada düwmeler bolar.
Resmi taýdan yglan ediljek senesi entek belli däl.
