Transfermarkt internet portaly aralyk täzelenmeleriniň netijelerine esaslanyp, dünýäniň iň gymmat futbolçylaryndan simwoliki topary düzdi.
Bilermenler meýdançadaky her bir orun üçin bir oýunçy saýlady. Ýöne käbir kadadan çykmalar hem boldy we düzüme birbada dört hüjümçi goşuldy.
- Derwezeban: Gregor Kobel (Dortmundyň “Borussiýasy”) – €40 mln.
- Goragçylar: Wilýam Saliba (“Arsenal”) – €80 mln, Alessandro Bastoni (“Inter”) – €80 mln, Gabriel Magalýaýns (“Arsenal”) – €75 mln.
- Ýarym goragçylar: Federiko Walwerde (Madridiň “Realy”) – €130 mln, Jud Bellingem (Madridiň “Realy”) – €180 mln, Florian Wirs (“Baýer”) – €140 mln.
- Hüjümçiler: Lamin Ýamal (“Barselona”) – €180 mln, Winisius Žunior (Madridiň “Realy”) – €200 mln, Erling Holand (“Mançester Siti”) – €200 mln, Kilian Mbappe (Madridiň “Realy”) – €170 mln.
