YouTube blogeri MrBeast Aleks Kross baradaky kitaplar bilen tanalýan ýazyjy Jeýms Patterson bilen awtordaşlykda roman çykarar. Kitap Jimmi Donaldson lakamy bilen çap ediler diýip, Deadline habar berýär.
Neşiriň maglumatlaryna görä, kitap “Kalmar oýnunyň” stiline meňzeýär. Awtorlar eýýäm ony ekranlaşdyrmak üçin hukuk satmak tekliplerini gözden geçirýär, şertnamanyň bahasy sekiz belgili mukdara ýetip biler.
Çeşmeleriň aýtmagyna görä, romanyň iş ady “The Most Dangerous Game” (“Iň howply oýun”) bolup, ol üýtgäp hem biler.
Kitabyň sýužeti ölüm howply oýnuň töwereginde ýaýbaňlanyp, oňa gatnaşyjylar ýeke-täk ýeňiji bolmak üçin bütin dünýäde howply synaglardan geçýär.
Jeýms Patterson bestseller bolan trillerleri, şol sanda “Ine-de, möý geldi” (И пришел паук) we “Meň adym Aleks Kross” (Меня зовут Алекс Кросс) romanlary bilen meşhurlyk gazandy. Onuň köp kitaplary ekranlaşdyryldy.
MrBeast taryhda iň meşhur YouTube blogeri bolmagynda galýar, onuň kanalyna 378 milliondan gowrak ulanyjy ýazyldy. Şu ýyl onuň “Beast Games” şüweleňi 25 günde 50 mln tomaşa ýygnap, Prime Video-nyň iň köp görülýän ssenarisiz taslamasy boldy. Şeýle-de, ol kazyýet şikaýatynyň merkezine öwrüldi – oňa gatnaşyjylar howplara we islenilmeýän hereketlere sezewar bolandygyny aýtdy. MrBeast bu aýyplamalary ret etdi.
