"Spectrum" atly nemes raketasynyň ilkinji uçuşy şowsuz boldy, emma işläp düzüjileri kanagatlanýar

  • 31.03.2025 09:09
  • 5.7k+

30-njy martda germaniýaly Isar Aerospace kompaniýasy özüniň Spectrum atly göteriji raketasyny ilkinji gezek synagdan geçirdi. Bu raketa Norwegiýanyň Annýoýa kosmodromy üçin ilkinji orbital uçuş bolmalydy. Şol bir wagtyň özünde, ol Ýewropa yklymyndaky (Russiýanyň Plesetsk kosmodromyny hasaba almasak) ilkinji täjirçilik maksatly raketa uçuşy bolup taryha girmelidi. Emma synag şowsuzlyk bilen tamamlandy.

Spectrum – beýikligi 28 metr bolan, bir gezek ulanylýan, iki basgançakly ýeňil synpa degişli raketadyr. Onuň birinji basgançagy dokuz sany Aquila hereketlendirijisi, bu hereketlendirijiler kislorod-propan ýangyjy bilen işleýär. Ikinji basgançagy bolsa, şol hereketlendirijileriň gaýtadan işläp bilýän bir nusgasy bilen üpjün edilen. Spectrum 1 tonna çenli ýüküň pes orbitada ýerleşdirilmegine, şeýle-de 700 kg çenli ýüküň Gün bilen sinhron orbitada ýerleşdirilmegine mümkinçilik berýär.
Uçuş howa şertleri sebäpli, birnäçe gezek yza süýşürilipdi. Ahyrynda, 30-njy martda, Aşgabat wagty bilen sagat 15:30-da raketa uçuryldy. Emma ol tiz wagtdan ugruny ýitirdi. Soň bolsa, başlangyç meýdançasynyň golaýynda ýere gaçyp partlady.
Muňa garamazdan, taslamanyň işläp düzüjileri netije bilen kanagatlanýarlar. Sebäbi raketa 30 sekuntlap uçdy. Mundan başga-da, adatdan daşary ýagdaý ulgamy synagdan geçirildi. Eger uçuş üstünlikli geçsedi, raketanyň ikinji basgançagy ýük maketi bilen bilelikde birinjisinden aýrylyp, kosmosa çykmalydy.

«Ilkinji synag uçuşymyz ähli garaşylanlary kanagatlandyrdy we uly üstünlik boldy. Biz raketanyň uçuşyny, 30 sekuntlyk uçuşy hem-de adatdan daşary ýagdaý ulgamyny synagdan geçirmegi başardyk» — diýip, Isar Aerospace kompaniýasynyň ýerine ýetiriji direktory we esaslandyryjylaryndan Daniel Metsler uçuş bilen baglanyşykly beýanat berdi.

Metsleriň diýenlerine garamazdan, adatdan daşary ýagdaý ulgamynyň hakykatdanam netijeli işläp-işlemeýändigi barada soraglar döredi. Sebäbi ol haçanda raketa ýere degensoň işläp başlapdyr.
Hadysanyň sebäpleri entek aýan edilmedi, emma hünärmenler synagdan möhüm maglumatlary ýygnadylar. Kosmodromyň infrastrukturasyna zeper ýetmedi. Adam ýitgisi ýa-da ýaralanan bolmady. Indiki synag uçuşy ýakyn wagtda geçiriler.
Mundan ozal, düýbi Mýunhen şäherinde ýerleşýän Isar Aerospace kompaniýasy uly göwrümli täjirçilik maksatly uçuş şertnamalaryna gol çekipdi. 2026-njy ýylda Spectrum raketasy Ýaponiýanyň AOBA synag emeli hemrasyny, 2028-nji ýylda bolsa Norwegiýanyň kosmos agentligi üçin iki sany uzakdan gözegçilik hemrasyny orbita çykarmaly.


15.09.2025 18:02
5.1k+

Astronomlar “gara ýyldyzlaryň” bardygynyň alamatlaryny tapdylar

Maks Plankyň astronomiýa institutynyň (MPIA) astronomlary irki Älemde "gara ýyldyzlar" diýilýänleriň bardygynyň alamatlaryny habar berdiler. Bu obýektler käbir gadymy galaktikalaryň adatdan daşary uly massasyny we gara girdaplaryň çalt ösüşini düşündirip bilerdi...

15.09.2025 09:50
2.4k+

NASA Perseverance-yň tapyndysyny Marsdaky ýaşaýşyň iň ygtybarly subutnamasy diýip atlandyrdy

NASA-nyň Marsda hereket edýän Perseverance enjamy tarapyndan ýygnalan nusga gadymy mikrob durmuşynyň yzlaryny saklap biler. Bu barada 2025-nji ýylyň 10-njy sentýabrynda Nature žurnalynda neşir edilen NASA-nyň ylmy gözleginde aýdylýar...

13.09.2025 15:46
6.4k+

ABŞ-da ilkinji gezek hemra bilen uçup barýan uçaryň arasynda lazer aragatnaşygyny barlap gördüler

Amerikanyň Birleşen Ştatlary ilkinji gezek uçup barýan uçar bilen Ýeriň pes orbitasyndaky emeli hemranyň arasynda lazer aragatnaşyk ulgamynyň synaglaryny geçirdi. Synag wagtynda 1 Gbit/s çenli maglumat geçiriş tizligi bilen durnukly aragatnaşygy üpjün etmek başartdy...

11.09.2025 21:21
6.4k+

NASA-nyň täze tejribesinde 4 meýletinçi bir ýylyny Marsyň “simulyatorynda” geçirer

NASA Marsyň barlag bazasyny simulýasiýa edýän gurşawda adamlary izolirlemek boýunça tejribeleriniň ikinji tapgyryny geçirer. 19-njy oktýabrda dört meýletinçi Hýustonyň Jonson adyndaky Kosmos merkeziniň Mars Dune Alpha barlaghanasyna ugrar...