Ledi Gaga “Mayhem” albomyny goldamak maksady bilen dünýä boýunça konsert syýahatyna ugraýar. Bu barada ol Instagram-da ýazdy.
Syýahat 16-njy we 18-nji iýulda Las-Wegasda geçiriljek iki konsert bilen başlar we noýabr aýynda Parižde tamamlanar. Aýdymçy ABŞ-nyň we Ýewropanyň 16 şäherinde çykyş eder.
Gaga çykyş etjek sahnasyna aýratyn üns berdi. Ol uly stadionlardan ýüz öwrüp, kamera zallaryny saýlady. Onuň aýtmagyna görä, bu “teatr we özüne çekiji” atmosferany döreder. Aýdymça ýakyn bolan çeşme şeýle sahnalaryň her bir çykyşy has özboluşly we tomaşaçylar üçin ýakyn etjekdigini belleýär.
Konsert syýahaty iki yklymyň esasy şäherlerini gurşap alar. Ledi Gaga muşdaklarynyň öz çykyşyndan aýratyn tejribe almagyny isleýär. Petek satuwy barada maglumat häzirlikçe ýok, ýöne konsertleriň geçiriljek şäherlerini we senelerini aýdymçynyň Instagram sahypasyndan görmek bolýar.
