Playboi Carti birbada 31 aýdymy bilen abraýly Billboard Hot 100 çartyna giren ilkinji repçi boldy. Çarta onuň täze “I Am Music” albomy durşuna, şeýle-de The Weeknd bilen bilelikdäki aýdymy “Timeless” girdi.
Mundan öň şeýle netijäni diňe pop aýdymçysy Teýlor Swift we kantri ýerine ýetirijisi Morgan Uollen gazanypdy.
Swift iki gezek çartda 30-dan gowrak orny eýeledi: “The Tortured Poets Department” albomy çykandan soň, 2024-nji ýylyň 4-nji maýynda 32 orun we bir hepde soň 31 orun. Uollen 2023-nji ýylda rekord goýdy, şonda “One Thing at a Time” albomynyň netijesinde onuň bir wagtyň özünde 36 aýdymy çarta girdi.
Carti-den öň repçileriň arasynda rekord Dreýke degişlidi: onuň “Scorpion” albomyndan 27 aýdym 2018-nji ýylda çarta bir wagtyň özünde goşuldy.
“I am Music” albomy 2-nji setirde “Evil J0rdan” aýdymy bilen açyldy, The Weeknd bilen bilelikdäki aýdym 4-nji orny, Kendrik Lamar bilen “Good Credit” bolsa 17-nji orny eýeledi. Iň soňky, “Walk” aýdymy 96-njy orunda ýerleşdi.
Mundan başga-da, “I Am Music” 14-nji martda Spotify-yň rekordyny täzeledi, ol bir günde 2025-nji ýylyň iň köp diňlenen albomy boldy.
