Toyota 2025-nji ýylyň täzelenen «Land Cruiser 300» modelini hödürledi. Ulag ilki Awstraliýanyň bazaryna çykar. Satuwyň ýylyň ikinji çärýeginde başlamagyna garaşylýar. Esasy üýtgeşmeler – 12,3 dýuýmlyk sanly gurallar paneliniň hem-de Apple CarPlay we Android Auto goldawy bolan täze multimediýa ulgamynyň ornaşdyrylmagydyr diýip, «Drive» neşiri habar berýär.
Awtoulaga «howa arkaly täzelenme» (OTA) tehnologiýasyny goldaýan täze programma üpjünçiligi ornaşdyryldy. Howa dolandyryjy (klimat-kontrol) ulgamyndaky fiziki düwmeler täzeden peýda boldy. Emma multimediýa ulgamy bölekleýin sensorly görnüşe geçirildi – diňe ses derejesine we açyp-öçürmäge degişli düwmeler saklandy. CD/DVD pleýer aýryldy, onuň ýerine HDMI-port goşuldy.
Esasy görnüşler indi 7 dýuýmlyk sanly gurallar paneli bilen enjamlaşdyrylýar. Täze mümkinçilikleriň hatarynda kämilleşdirilen sürüji kömek ulgamlary, elektron dolandyryşly rul ulgamy, merkezi konsolda howa çalşygy hem-de gapylaryň açylmagy bilen baglanyşykly duýduryş ulgamy bar.
