Germaniýada Mercedes-Benz zawodynda adam şekilli robotlar synagdan geçirilip başlandy. Bu barada Carscoops habar berýär. Ýöne awtoöndüriji olaryň işgärleriň ornuny çalyşmajakdygyny aýdýar.
Kompaniýanyň beýanyna görä, synaglar täze tehnologiýalary ornaşdyrmak boýunça taslamanyň çäklerinde geçirilýär. Apollo atly robotlar Apptronik amerikan kompaniýasy tarapyndan işlenip düzüldi. Nemes awtokonserni bu gurama onlarça million dollar maýa goýdy we indi öz robotlaryny Berlin-Marienfeldedäki zawodda ulanýar.
Apollonyň esasy wezipesi içerki logistika kömek etmekden we bir görnüşli amallary ýerine ýetirmekden ybarat. Olar komponentleri ýa-da modullary önümçilik hatarlaryna eltip biler. Soňra şaýlar ýokary hünärli hünärmenler tarapyndan ýygnalýar we awtomobillere oturdylýar. Şeýle-de, robotlar şaýlaryň hiliniň ilkinji barlagyny geçirip bilýär.
Mercedes-Benz-iň öz işgärleri robotlary okatmaga gatnaşdy. Olar tele-dolandyryş we giňeldilen hakykat tehnologiýalaryny ulandy.
