Assassin's Creed Shadows ýapon oýny häzirki platformalarda 2 milliondan gowrak oýunçyny özüne çekdi. Steam seljeriş çeşmesiniň berýän maglumatlaryna görä, iň ýokary derejesinde onda 64 825 adam bir wagtyň özünde oýnapdyr, bu franşiza üçin täze rekorddyr.
Ondan öň Assassin's Creed Odyssey 2017-nji ýylda 62 069 oýunçy bilen öňdeligi eýeläpdi. Soňky ýyllarda Assassin's Creed Valhalla bilen Mirage hem çykdy, ýöne olaryň hiç birem bu görkezijä golaýlap bilmedi.
Mundan başga-da, Assassin's Creed Shadows ýokary satuwy görkezdi. Ilkinji iki günde onuň iki milliondan gowrak nusgasy satyldy.
Şeýle hem oýun seriýanyň taryhynda iki sagatdan gowrak dowam eden iň uzyn titrleri görkezdi, ýöne oýunçylar kompýuter oýunlaryny munuň üçin halanok.
Oýunda wakalar Ýaponiýada Sengoku döwründe (XV asyryň ikinji ýarymyndan XVII asyryň başyna çenli) bolup geçýär. Baş gahrymanlary nindzýa gyz bilen afrosamuraý Ýasuke adalat ugrunda göreşýärler.
Oýun Assassin's Creed Odyssey-iň döredijileri Ubisoft Quebec studiýasy tarapyndan işlenip düzüldi.
Hünärmenler Ubisoft-yň Star Wars Outlaws ýaly öňki oýunlardaky şowsuzlyklaryň fonunda mynasyp taslamany çykarmagy başarandygyny bellediler. Oýun Steam-iň oýunçylaryndan 79% oňyn syn aldy.
Assassin's Creed Shadows 2025-nji ýylyň 20-nji martynda goýberildi. Oýun PlayStation 5 we Xbox Series S / X konsollarynda, şeýle hem Steam, Ubisoft Store we Epic Games Store dükanlary arkaly personal kompýuterlerde elýeterlidir.
