Assassin’s Creed Shadows oýnuny çykan ilkinji gününde 1 mln adam oýnady

  • 23.03.2025 18:50
  • 2.4k+

20-nji martda çykan Assassin’s Creed Shadows oýny bütin dünýäde uly gyzyklanma döretdi we çykan birinji gününde 1 milliondan gowrak oýunçy tarapyndan oýnaldy. Bu barada oýnuň X sosial torundaky resmi hasabynda mälim edildi.

«Assassin’s Creed: Shadows 1 million oýunçy derejesini eýýäm geçdi! Feodal Ýaponiýadaky bu başdan geçirmä goşulanyňyz üçin size tüýs ýürekden minnetdarlygymyzy bildirýäris. Bu syýahata siziň bilen bilelikde başlandygymyza diýseň begenýäris!» — diýip, Ubisoft bu üstünligi belläp, beýanat berdi.

Oýun PC, PlayStation 5 we Xbox Series platformalarynda elýeterli. Oňa Steam-de eýýäm 3,6 müňden gowrak syn berildi we oýunçylaryň 81%-i tarapyndan maslahat berlip, «Örän oňyn» diýen bahany aldy.
Assassin’s Creed Shadows oýnundaky wakalar Sengoku döwründäki feodal Ýaponiýada geçýär we iki esasy gahrymanyň gözýetiminden gürrüň berilýär: zenan nindzýa we afrosamuraý Ýasuke. Bu jübüt bilelikde adalaty dikeltmek we ar almak üçin göreşýärler. Oýun Assassin’s Creed Odyssey-iň awtory bolan Ubisoft Quebec tarapyndan işlenip düzülen.
Şeýle hem käbir oýunçylaryň bellemegine görä, Assassin’s Creed Shadows-yň jemleýji ýazgylary (titrleri) haýran galdyryjy derejede 2 sagatdan hem köp dowam edýär. Mysal üçin, kinofilmleriň taryhynda iň uzyn titrleriň biri hasaplanýan «Ýüzükleriň hökümdary: Patyşanyň dolanmagy» (Властелин колец: Возвращение короля) filminde hem, titrler bary-ýogy 9 minut 33 sekunt dowam edýär.

düýn 22:31
615

GQ Japan neşiri Hideo Kodzimany ýylyň «Iň gowy döredijisi» diýip yglan etdi

GQ Japan žurnaly Hideo Kodzimany «Ýylyň adamy» (Man of the Year) nominasiýasynda 2025-nji ýylyň «Iň gowy döredijisi» diýip yglan etdi. Neşiriň redaksiýasynyň pikirine görä, bu dörediji diňe bir oýun döretmek bilen çäklenmän, eýsem, kino we interaktiw mediýanyň arasyndaky serhetleri ýok edip, düýbünden täze görnüşli güýmenjeleri oýlap tapýar...

düýn 21:19
3.4k+

ABŞ-da 74 ýaşly adam ogullyga alyndy we Ginnesiň rekordlar kitabyna girdi

Ginnesiň rekordlar kitaby ABŞ-nyň Pensilwaniýa ştatyndan bolan Bill Steýns baradaky täsin wakany gürrüň berýär. Birnäçe ýyl mundan ozal ol dünýäde ogullyga alnan iň garry adam boldy — ogullyga alnan wagtynda ol 74 ýaş we 303 günlükdi...

düýn 21:08
1.2k+

Kwentin Tarantino "Açlyk oýunlarynyň" döredijilerini plagiatda aýyplady

Režissýor Kwentin Tarantino "Açlyk oýunlary" (The Hunger Games) franşizasynyň 1999-njy ýylda çykan "Şa söweşi" (Battle Royale) atly ýapon romanyndan we onuň film adaptasiýasyndan göçürilip alnandygyny (plagiatdygyny) öňe sürdi diýip, "The Hollywood Reporter" neşiri habar berýär...

düýn 19:41
4.6k+

Dünýäde iň kiçi aty Ginnesiň rekordlar kitabyna girizildi

Pumukel atly at dünýäniň iň kiçi aty hökmünde Ginnesiň rekordlar kitabyna girdi. Onuň geriş beýikligi bary-ýogy 52,6 santimetr. Pumukel Germaniýadaky bir fermada ýaşaýar. Onuň eýesi Karol Waýdmann atyny bäş ýyl mundan ozal, ol entek kiçijik taýçanakka özüne aldy...