Lamborghini kompaniýasy 2024-nji ýyly taryhyndaky iň ýokary satuw we girdeji bilen tamamlady. Italýan brendi ilkinji gezek 3,09 milliard ýewro girdeji gazandy, bu bolsa 2023-nji ýyl bilen deňeşdirilende 16,2% ýokarydyr. Operasion girdejisi 835 million ýewro ýetip, bu ugurda gatnaşygy 27% derejesinde saklandy diýip, «Reuters» neşiri habar berýär.
Bir ýylyň dowamynda jemi 10 müň 687 awtoulag müşderilere gowşuryldy – bu bolsa kompaniýanyň taryhyndaky iň ýokary görkezijidir. Satuwlar ähli sebitlerde artdy. Bu görkezijilere esasy goşandy täze sport ulaglary, şol sanda V12 gibrid ulgamy we üç elektromotorly Revuelto modeli goşdy.
Şeýle hem Lamborghini täzelenen Urus SE hem-de täze hereketlendirijili Temerario kupe modelini hödürledi. Bu täze modeller brendiň premium pudakdaky ornuny has-da berkitdi. Şeýle-de GDA ýurtlarynda hem Lamborghini superkarlaryna bolan isleg barha artýar, sebäbi bu ulaglar tizligi we eksklýuziwligi halaýanlar üçin niýetlenýär.
