GAC - Honda bilelikdäki kärhanasy «Honda Accord 2025 Sport» modelini resmi taýdan hödürledi diýip, «Autohome» habar berýär.
«Honda Accord 2025 Sport» modeliniň esasy aýratynlyklary: faralar bilen bitewi we sazlaşykly gurlan nokat şekilli hrom bilen bezelen gözenegi hem-de gara reňkli detallary. Yz tarapyndaky Honda nyşany has ulaldylan. Ulag indi «Venice Blue» reňki bilen hem hödürlenýär. Awtoulagyň umumy ölçegleri üýtgemedi (uzynlygy, takmynan, 5 metr bolan Accord öz synpynyň iň giň sedanlarynyň biri bolup durýar). Interýerde-de kän bir üýtgeşik täzelik ýok.
Hereketlendiriji ulgamyň görnüşleri: wariatorly 1,5 litrlik turbomotorly (192 at güýji, 260 Nm tork) görnüşi hem-de 2,0 litrlik hereketlendirijisi (148 at güýji) bilen elektromotory (184 at güýji) bolan gibrid görnüşi. Gibrid görnüşiň umumy kuwwaty 207 at güýjüne ýetýär. NEDC ölçeglerine görä, diňe elektrik energiýasy bilen geçýän ýoly – 106 km.
«Honda Accord 2025 Sport» modeli 179,8 müň – 214,8 müň ýuan (takmynan, 24,9 – 29,7 müň dollar) aralygyndaky bahalar bilen üç dürli komplektasiýada hödürlenýär. Şeýle-de ilkinji müşderiler üçin 62 müň ýuana (takmynan, 8,5 müň dollara) çenli ýeňillikler bar.
