Netmarble studiýasy Game of Thrones: Kingsroad atly gahrymanlaýyn oýnunyň 26-njy martda Steam platformasynda irki elýeterlilikde çykjakdygyny habar berdi. Oýun şol ýerde azyndan dört hepde bolar.
Oýunçylar oýna irki giriş gazanmak üçin, bahasy 25 bilen 90 dollar aralygyndaky «Esaslandyryjy toplumlary» satyn alyp bilerler.
Irki elýeterlilik döwründe oýnuň esasy hekaýasynyň 50 bapdan ybarat bölümi, goşmaça wezipeler hem-de soňky tapgyrlardaky synaglar elýeterli bolar.
Oýun resmi taýdan çykarylandan soň mugt bolar we iOS hem-de Android enjamlarynda hem neşir ediler.
Game of Thrones: Kingsroad – HBO-nyň meşhur serialy esasynda döredilen täze taslamadyr. Oýun kompýuter, konsollar we mobil enjamlar üçin işlenip taýýarlanýar. Ony ýekelikde ýa-da beýleki oýunçylar bilen bilelikde oýnap bolar.
Hekaýa serialdaky wakalar bilen bir hatarda dowam eder. Esasy gahrymanlaryň arasynda Jon Snou we beýleki meşhur keşpler hem bar.
