Meksikanyň «Leon» futbol kluby 2025-nji ýylda geçiriljek klublaýyn dünýä çempionatyna gatnaşmaz. Halkara futbol federasiýasy (FIFA) ýaryşyň düzgünlerini bozandygy üçin topary ýaryşdan çykardy.
Apellýasiýa komiteti «Leona» we beýleki bir meksikan futbol kluby bolan «Paçuka» hem şol bir kompaniýanyň eýeçilik edýändigini anyklady. Bu klub hem ýaryş üçin hasaba alnypdy. Emma ýaryşa gatnaşýan iki klubuň şol bir eýeçilikde bolmagy ýaryşyň düzgünlerine ters gelýär.
FIFA ýakyn wagtda «Leonyň» ýerine haýsy toparyň gatnaşjakdygyny resmi taýdan mälim etjekdigini habar berdi.
«Leon» – Meksikanyň sekiz gezek çempiony bolup, bäş gezek ýurduň milli kubogyny we superkubogyny gazanypdy.
Klublaýyn dünýä çempionaty 2025-nji ýylyň 15-nji iýunyndan 13-nji iýulyna çenli ABŞ-nyň 11 şäherindäki 12 stadionda geçiriler. Bu ýaryşa jemi 32 topar gatnaşar. Gatnaşyjylaryň ählisi bilen şu salgydan tanşyp bilersiňiz.
