Tencent kompaniýasy 30 sekuntda 3D modelleri döretmäge ukyply täze emeli aň gurallaryny hödürledi. Bu tehnologiýa Hunyuan3D-2.0-a esaslanyp, esasan dizaýnerler we oýun öndürijiler üçin niýetlenendir diýip, «Reuters» habar berýär.
Kompaniýa bäş sany açyk modeli hödürledi, şol sanda turbo wersiýasy hem bar. Ol rekord tizlikde ýokary takyklyk we jikme-jiklik bilen 3D modelleri döretmäge mümkinçilik berýär.
Tencent-iň wekilleriniň aýtmagyna görä, olaryň neýrotory tekstiň laýyklygy, geometrik takyklygy we şekil hili boýunça bäsdeşlerinden has öňde durýar.
Bu täze emeli aň ulgamy kompaniýanyň oýun senagatynda emeli aň tehnologiýalaryny ösdürmek strategiýasynyň dowamy bolup durýar. Mundan öň Tencent kompaniýasy DeepSeek R1-den hem çalt işleýän Hunyuan Turbo S ulgamyny hödürläpdi.
TikTok-yň enelik kompaniýasy ByteDance hem VeOmniverse taslamasy bilen şu ugurda iş alyp barýar. Emma Tencent-den tapawutlylykda, olaryň tehnologiýasy entek açyk däl.
