27-nji martda Hytaýyň Xiaomi kompaniýasynyň golçur brendi bolan Poco kompaniýasy F7 Ultra we F7 Pro seriýalaryny hödürlär. Tanyşdyrylyşdan 10 gün öň ýakynda täze önümleriň renderleri Internetde peýda boldy.
Syzdyrylan maglumatlara görä, iki model hem 2K+ durulykda we 120Hz täzelenme tizlikli 6,67 dýuýmlyk AMOLED ekrany alar. Android 15 esasly HyperOS 2.0 programma üpjünçiliginiň gabygy hökmünde gurnaldy.
Flagman Poco F7 Ultra şu aşakdakylary alar:
- iň täze Snapdragon 8 Elite prosessoryny;
- ýadynyň opsiýalary: 12/256 GB ýa-da 16/512 GB;
- ölçegleri – 8,39 mm, agramy - 212 gr;
- üç esasy kamerany: 50 MP (esasy), 50 MP (teleobýektiw), 32 MP (giň burçly);
- 32 MP-lyk öň kamerany;
- 120 Wt çalt zarýad berijili we 50 Wt simsiz 5300 mAh batareýany;
- IP68 goragyny.
Smartfonyň gara we sary reňklerde çykjakdygy barada öň habar berlipdi. Ýewropada garaşylýan baha 749 ýewro töweregi.
Poco F7 Pro modeli şu aşakdakylary alar:
- meňzeş 6,67 dýuýmlyk AMOLED displeýi (2K +, 120 Hz);
- Snapdragon 8 Gen 3 prosessoryny;
- ýady: 12 GB RAM we 256 ýa-da 512 GB ammar;
- kamerasy: 50 MP (esasy) we 8 MP (giň burçly);
- 20 MP-lyk öň kamerany;
- 90 Wt simli zarýad berijili 6000 mAh batareýany (simsiz);
- galyňlygy 8,12 mm we agramy 206 gr;
- IP68 goragy.
Reňkleri: gök, gara we kümüşsöw. Ýewropadaky bahasy takmynan 499 ýewro.
