Casio kompaniýasy çöl howdanlaryndan ruhlanan ýiti gök-ýaşyl öwüşginli täze G-Shock Oasis kolleksiýasyny hödürledi. Bu barada Hypebeast ýazýar.
Hatara dört model girdi: GA-2100AS-2A, GA-2100AS-5A, GA-110AS-2A we GA-110AS-5A. Olaryň ählisi gök we ak reňklerde elýeterli.
Sagatlar brendiň firma stilini saklaýar: GA-110 uly industrial korpus, GA-2100 ykjam sekiz burçly dizaýn we 3D siferblat bilen hödürlenýär.
Korpus, bezel we kemer bio-dargaýan şepbikden ýasalyp, bu sagatlary ýeňil, berk we sport bilen işjeň meşgullanýanlar üçin tüýs laýyk edýär.
Kolleksiýa çöl landşaftlaryny we oazisleri şekillendirýär: siferblatdaky we sagat markerlerindäki ýumşak gök-ýaşyl öwüşgin çuňluga aralaşan ýaly duýgyny döredýär.
Hatardaky ähli modeller 200 metre çenli çuňlukda hem suw geçirmeýär, şeýle-de urga çydamly we tersine sanama taýmeri bar.
GA-2100AS-2A we GA-2100AS-5A sagatlary Super Illuminator LED yşyklandyrmasy, bäş budilnik, sekundomer (1/100 sekunt) we dünýä wagty funksiýasy bilen üpjün edildi. GA-110AS-2A we GA-110AS-5A sekundomer (1/1000 sekunt) we LED yşyklandyrmasyny hödürleýär.
Bahalar 120 dollardan 140 dollar aralygynda üýtgeýär. Olar eýýäm satyn almak üçin Casio G-Shock amerikan saýtynda elýeterli.
