Arhelologlar Marbelýa şäherinden (Malaga welaýaty, Ispaniýa) taryhdan öňki, haşamlanyp nagyşlanan daşy tapdylar, onuň ýaşy 200 müň ýyldan hem geçip biler. Bu çaklama tassyklansa, onda tapyndy sungatyň iň gadymy nusgasyna öwrüler diýip, Marbelýanyň şäher geňeşiniň metbugat gullugy habar berýär.
Tapyndy 1950-nji ýyllarda irki paleolit daş gurallary tapylandan soň, arheologiki ýadygärlik hökmünde kesgitlenen Koto-Korreanyň töwereginden tapyldy. Ekspedisiýa Ispaniýanyň Medeniýet, bilim we taryhy miras ministrligi ýolbaşçylyk etdi.
Esasy täsinlik çyzykly nagyşlar bilen gabbro blokdy. Alymlar bu nagyşlaryň bilkastlaýyn ulanylandygyna ynanýarlar. Tapyndy sungatyň ösüşine düşünişimizi düýpgöter üýtgedip biler. Haşamlarda adam ýa-da haýwan aç-açan suratlandyrylmasa-da, ony adamyň yşarat bilen özüni beýan etmeginiň ilkinji mysallaryndan biri hasaplamak bolar.
Tapyndynyň ýaşyny kesgitlemek üçin takyk senesini kesgitlemegiň usullary, şol sanda çökündi jynslarda kwars derňewi we bloky 3D modelirleme ulanylar. Döwrebap tehnologiýalar barlagçylara daşy gaýtadan işlemegiň tötänleýin yzlaryny bilgeşleýin çyzyklardan tapawutlandyrmaga we oýma aýratynlyklaryny öwrenmäge kömek eder.
Ozal 2021-nji ýylda Sulawesi adasyndan tapylan indoneziýa gowagyndaky suratlar çekilen iň gadymy surat hasaplanýardy diýip, CNN habar berýär. Olaryň ýaşy 45,5 müň ýyl.
