Ford 2021-2024-nji ýyllarda çykan Maverick, Escape we Lincoln Corsair gibrid modellerini yzyna çagyrýar. Munuň sebäbi hereketlendirijiniň dolandyryş modulynda (HPCM) programma üpjünçiliginiň ýalňyşlygy bolup, ol ulagyň duýdansyz ýagdaýda “bitarap” režime geçmegine sebäp bolup biler. Netijede, ulagyň çekijiliginiň ýitmegi bilen, heläkçiligiň ýüze çykmak howpy ýokarlanýar.
Ford 2024-nji ýylda eýýäm programma üpjünçiligini täzeledi, ýöne barlagda ulaglaryň takmynan 2% -iniň dogry wersiýasyny almandygy anyklandy. Bu näsazlyk bilen baglanyşykly şu güne çenli hiç hili ýol-ulag heläkçiligi barada habar gelip gowuşmady.
Yza çagyryş 2021-2022-nji ýyllarda çykan Linkoln Corsair, 2022-nji ýylda çykan Ford Escape we 2022-2024-nji ýyllarda ABŞ-da we Meksikada öndürilen Ford Maverick gibrid modellerine degişlidir. Söwda dellallaryna 2025-nji ýylyň 14-nji aprelinde habar berler, ulag eýelerine bolsa 18-nji aprelde gözükdirmeli hatlar iberiler. Meseläni çözmek üçin programma üpjünçiligini OBD-II anyklaýyş porty arkaly täzelemeli. Ulaglaryň eýeleri abatlaýyş üçin töleg tölemeli bolmazlar.
