Norfolkda (Beýik Britaniýa) tapylan gymmat bahaly seýrek orta asyr ýüzügi auksiona çykarylar. Ol £15–18 müň bilen bahalandyrylýar diýip, Bi-bi-si habar berýär.
Bu ýüzügi metal gözlemek bilen gyzyklanýan 63 ýaşly öňki ýangyn söndüriji Mark Sell tapdy. 2019-njy ýylyň noýabrynda ol enjamyň gowşak signalyny eşidip, 23 sm çuňlukda çukur gazdy we “hapa tokgasynda inçe altyn zolagyny” gördi. Bezeg ýakut, granat we zümerret daşly altyn ýüzük eken.
Sell tapyndy barada ýer eýesine habar berdi, şondan soň ýüzük okrug ofiserine gowşuryldy. Ol wagtlaýyn Britan muzeýinde goýuldy. Hünärmen Laura Smitiň aýtmagyna görä, şeýle ýüzügi XII-XIII asyrlarda ýepiskoplar dakynypdyr.
Noonans Mayfair auksiony 26-njy martda geçiriler.
