Uill Smit özüniň bäşinji solo albomynyň çykjak senesini yglan etdi. “Based on a True Story” albomy 28-nji martda çykar we onuň soňky ýigrimi ýylda ilkinji aýdym-saz relizi bolar.
Anons aýdym sanawy bilen birlikde artistiň Instagram akkauntynda peýda boldy. Sanawda ogly Jeýden Smit, aýdymçy Teýana Teýlor, soul-sazanda Žak Ross we dijeý Jazzy Jeff bilen hyzmatdaşlykda döredilen aýdymlar bar. Soňkusy bilen Smit 1980-nji ýyllaryň ahyrynda DJ Jazzy Jeff & The Fresh Prince duetinde işleşdi.
Alboma BET baýragynda ýerine ýetirilen “You Can Make It” aýdymy we eýýäm çykan Big Şon bilen “Beautiful Scars”, Joýner Lukas bilen “Tantrum” we Rass bilen “Work of Art” aýdymlary girdi. Sanawda bu aýdymlar üçin fitler görkezilmedi.
Albomyň daşlygyndaky “Birinji möwsüm: R.I.T.W.” belligi taslamanyň dowam etdirilmeginiň mümkindigini görkezýär.
Bir ýyl ozal Extra bilen söhbetdeşlikde Smit albomyň üstündäki işler barada gürrüň beripdi. Onuň aýtmagyna görä, albomyň ýazgysyna bir ýarym ýyl gerek boldy. Şeýle-de, artist albomy “häzire çenli ýazan iň şahsy we güýçli aýdym-sazy” diýip atlandyrdy.
