14-nji martda meşhur franşiza esaslanýan restling-şüweleňiniň iň täze simulýatory – WWE 2K25 hemmä elýeterli boldy.
Oýunçylar üçin 300-den gowrak söweşiji elýeterli, olaryň arasynda dünýä belli legendalar – Jon Sina we Dueýn «The Rock» Jonson hem bar.
Täze WWE 2K25-de söweşijileriň jynsyna garamazdan bäsleşmek üçin mümkinçilik döredildi, ýagny erkek türgenler aýal türgenler bilen hem göreşip bilýärler. Mundan başga-da, döredijiler Chain Wrestling mehanikasyny täzeden oýna girizdiler we hekaýasyny täzelediler.
Oýun üç dürli görnüşde hödürlenýär, bahalary 70-130 dollar aralygynda. WWE 2K25 häzirki wagtda PC, PS4, PS5, Xbox One we Xbox Series platformalarynda elýeterli.
