Samsung kompaniýasy 2025-nji ýylda çykarjak smartfonlarynyň iki günläp zarýadsyz işläp biljekdigi baradaky wadasyny berjaý etdi. «SamMobile» tarapyndan geçirilen synaglarda, Galaxy A56 iki gün diýen ýaly zarýada goýulmazdan işlemegi başardy.
Maglumatlara görä, adaty ulanyşda (oýun oýnalmazdan) batareýanyň zarýady ikinji günüň ahyrynda 24%-e düşdi. Smartfonyň ekrany 6,5 sagat işjeň ulanyldy we garaşmak tertibinde 16 sagatdan hem köp işledi.
Galaxy A56 5000 mA·sag sygymly batareýa we 45 Wt çalt zarýad beriş tehnologiýasy bilen enjamlaşdyrylan. Ol 4 nm tehnologiýasy esasynda öndürilen Exynos 1580 prosessory bilen işleýär. Bu garaşylmadyk täzelik boldy, sebäbi mundan ozal Exynos prosessorlary energiýa tygşytlylygy boýunça meşhur däldi.
Smartfonyň ekrany birneme uly we has ýagty bolsa-da, bu batareýanyň dowamlylygyna täsir etmändir. Galaxy A56 Android 15 esasly One UI 7 interfeýsi bilen işleýär. A5x hatarynyň içinde ol ilkinji bolup, 6 ýyl täzelenme alar.
Täze model «Circle to Search» we «Samsung Wallet» sanly açary ýaly emeli aň mümkinçiliklerini hem goldaýar. Kamerasynyň dizaýny üýtgedilip, üç linza Galaxy Fold-daky ýaly uzyn bloguň içinde ýerleşdirilipdir.
