Xiaomi kompaniýasy ýakyn wagtda – 10 günüň dowamynda - Xiaomi we Redmi brendleriniň 9 sany modeli üçin HyperOS 2 we HyperOS 2.1 täzelenmesini çykarar. Bu barada «Xiaomitime» çeşmesi habar berýär.
Täzelenmäni aljak modelleriň sanawy:
- Xiaomi 12S Ultra;
- Redmi K60 Pro;
- Redmi K60E;
- Redmi K50 Ultra;
- Redmi Note 13 Pro+ 5G;
- Xiaomi 12T;
- Redmi Note 13 Pro 5G;
- Xiaomi 11;
- Xiaomi CIVI 2.
Bu smartfonlaryň hemmesi üçin täzelenme awtomatiki usulda gowşurylar. Beta synag maksatnamasyna gatnaşmagyň zerurlygy barada maglumat berilmeýär, şonuň üçin bu täzelenmäniň soňky durnukly wersiýa bolmagyna garaşylýar. Täze programma üpjünçiligi smartfonlaryň tizligini artdyrar we howpsuzlygyny ýokarlandyrar. Şeýle hem, batareýanyň ömrüni uzaltjak täze algoritmler giriziler, interfeýsiň (menýunyň) hem has amatly boljakdygy aýdylýar.
