Mazda kompaniýasy 2025-nji ýylyň «CX-5» krossowerini tanyşdyrdy. Täze model iýun aýynda satuwa çykarylar. Bu ulag 2026-njy ýylda gibrid görnüşi çykmazdan öň, häzirki modeliň döwrebaplaşdyrylan soňky model bolup durýar diýip, «Drive» neşiri habar berýär.
Modeliň seriýasyna öňdäki tekerlerden herekete getirilýän «G25 Touring» goşuldy, şeýle-de «G25 Maxx Sport-dan» ähli tekerlerden herekete getirilýän ulgam aýryldy. «Touring» komplektasiýasy indi standart görnüşde uýgunlaşdyrylan faralary, ýoldaky zolagyň içinde saklaýjy funksiýaly kruiz-kontroly we öňdäki parktronikleri (duralga ýerleşdirmäge ýardam berýän sensorlary) öz içine alýar.
Hereketlendirijileri öňküligine galdy: 156 at güýji bolan 2 litrlik, 190 at güýji bolan 2,5 litrlik we 231 at güýji bolan turbo 2,5 litrlik hereketlendirijiler bar. Olaryň hemmesi 6 basgançakly awtomatiki geçiriş gutusy (karobka) bilen hödürlenýär.
Mazda ulaglaryň bahalaryny entek yglan etmedi, ýöne enjamlaşdyrylyşyň giňeldilmegi sebäpli, biraz gymmatlamagy ähtimal. Täzelenen «CX-5» Mazda kompaniýasynyň 2026-njy ýylda doly täze modeli hödürlemezinden öň, gibrid platforma geçişiň soňky ädimi bolar. Täze model «Toyota RAV4», «Hyundai Tucson» we «Kia Sportage» bilen bäsleşer.
