Samsung täze Galaxy F16 5G smartfonyny hödürledi. Täze enjam barada «Gizmochina» portaly habar berdi.
Täze model 6,7 dýuýmlyk FHD+ (1080×2340 piksel) çözgütdäki AMOLED ekran, 90 Gs täzeleniş ýygylygy we 800 nit ýagtylyk bilen üpjün edilýär.
Enjam Android 15 esasly One UI 7 interfeýsi bilen gelýär. Samsung 6 ýyl dowamly Android we howpsuzlyk täzelenmelerini üpjün etjekdigini wada berýär.
Enjam Dimensity 6300 prosessory bilen işleýär. Onda 8 GB-a çenli operatiw ýat (RAM) we microSD arkaly giňeldip bolýan 128 GB içerki ýat bar. 5000 mA·sag sygymly batareýasy 25 Wt çalt zarýad alşy goldaýar.
Galaxy F16-nyň öň tarapynda 13 megapiksel kamera ýerleşýär. Yzky kameralar bolsa 50 megapiksel esasy sensor, 5 megapiksel giň burçly modul we 2 megapiksel makrosensor bilen enjamlaşdyrylan.
Smartfon sag tarapynda barmak yzy skaneri bilen üpjün edilen. Ol 5G torynyň 11 diapazonyny goldaýar.
Smartfonyň ölçegleri: 164,4 × 77,9 × 7,9 mm, agramy bolsa 191 gram.
Enjamyň bahasy 130 dollar dollar bolup, satuwyna 13-nji martda Hindistanda başlandy.
