13-ünden 14-nji marta geçilýän gije 2024/2025 möwsüminiň UEFA-nyň Ýewropa ligasynyň 1/8 finalynyň jogap oýunlary geçirildi. Olaryň netijesinde çärýek finalyna gatnaşyjylar belli boldy.
Şeýlelikde, Ýewropa ligasyny “Roma”, “Aýaks” we Žoze Mourinýunyň ýolbaşçylygyndaky “Fenerbahçe” terk etdi. Ýöne ýaryşdaky çykyşyny “Tottenhem”, “Lion”, şeýle-de jogap oýnunda “Real Sosýedady” utan “Mançester Ýunaýted” dowam etdirer.
1/8 finalyň jogap oýunlarynyň netijeleri:
- ·“Olimpiakos” (Gresiýa) – “Budýo-Glimt” (Norwegiýa) – 2:1 – 2:4 (iki oýnuň jemi boýunça);
- ·Frankfurtyň “Aýntrahty” (Germaniýa) – “Aýaks” (Niderlandlar) – 4:1 – 6:2 (iki oýnuň jemi boýunça);
- ·“Lasio” (Italiýa) – “Wiktoriýa Plzen” (Çehiýa) – 1:1 – 3:2;
- ·Bilbaonyň “Atletigi” (Ispaniýa) – Roma (Italiýa) – 3:1 – 4:3;
- ·“Tottenhem Hotspur” (Angliýa) – “AZ Alkmar” (Niderlandlar) – 3:1 – 3:2;
- ·“Reýnjers” (Şotlandiýa) – “Fenerbahçe” (Türkiýe) – 0:2 (3:2 pen.) – 4:3;
- ·“Lion” (Fransiýa) – “Stýaua” (Rumyniýa) – 4:0 – 7:1;
- ·“Mançester Ýunaýted” (Angliýa) – “Real Sosýedad” (Ispaniýa) – 4:1 – 5:2.
Dörtden bir finalyň garşydaşlary şeýle görnüşde:
- ·“Budýo Glimt” – “Lasio”;
- ·“Tottenhem Hotspur” – Frankfurtyň “Aýntrahty”;
- ·“Reýnjers” – Bilbaonyň “Atletigi;
- ·“Lion” – “Mançester Ýunaýted”.
Ýewropa ligasynyň çärýek finalynyň ilkinji oýunlary 10-njy aprelde geçiriler. Jogap oýunlary 17-nji aprelde bolar.
Ýewropa ligasynyň häzirki ýeňijisi Italiýanyň “Atalanta” klubudyr. Geçen ýaryşyň finalynda topar Germaniýanyň “Baýerini” Ademol Lukmanyň üç goly bilen 3:0 hasabynda utdy.
