Fransiýanyň L’Oreal kompaniýasy La Roche-Posay brendi bilen çykýan Effaclar Duo düwürtige garşy serişdesiniň tutuş toplumyny yzyna gaýtarýar. Bloomberg agentliginiň maglumatlaryna görä, munuň sebäbi onuň düzüminde bakteriýalary öldürýän we düwürtiklere garşy göreşýän benzoil öteturşusynyň bolmagydyr.
Bir ýyl ozal garaşsyz Valisure barlaghanasy bu komponenti kremde tapdy, ýöne ABŞ-nyň Hil gözegçiligi edarasy bu şikaýata diňe häzir jogap berdi.
Howp käbir ýagdaýlarda benzoil öteturşusynyň dargap, benzoly emele getirip bilmeginden ybarat. Ol uly möçberde bolan ýagdaýynda leýkemiýany – ganyň düwnügini döredip bilýär.
L’Oreal-yň wekilleri barlaglarda benzolyň ýokary derejesiniň önümiň diňe bir toplumynda ýüze çykarylandygyny aýtdy. Kosmetika hatarynyň beýleki serişdeleriniň yzyna gaýtaryljakdygy ýa-da ýokdugy häzirlikçe habar berilmeýär.
Ýöne kompaniýa tiz wagtdan Effaclar Duo-nyň has kämilleşdirilen formulasynyň elýeterli boljakdygyny habar berdi, ol 2024-nji ýyldan bäri işlenip taýýarlanýar.
