Kaliforniýada SPHEREx teleskopy bilen SpaceX kompaniýasynyň Falcon 9 raketa göterijisi uçuryldy. Obserwatoriýa Älemiň emele gelşiniň irki tapgyrlary barada maglumat ýygnar diýip, NBC News habar berýär.
SPHEREx kosmosyň döreýiş we özgeriş kartinasyny gaýtadan döretmek üçin asman jisimlerini we galaktikalary kartografirlemek üçin niýetlenendir. Bu uçuş inženerlere ulgamy goşmaça barlamaga mümkinçilik bermek üçin fewral aýynyň ahyryndan bäri birnäçe gezek yza süýşürildi.
Taslamanyň bahasy 488 mln dollara barabar. Teleskop 2,5 ýyl işläp, Älemiň kartasyny döreder. Ol Ýerden görüp bolmaýan infragyzyl şöhlä syn edip biler. Teleskopyň gurallary kosmosa 102 dürli reňkde ýa-da tolkun uzynlygynda gözegçilik etmäge mümkinçilik berýär.
SPHEREx bilen bilelikde orbita Gün täjini we Gün ýeliniň akymlaryny öwrenmek üçin niýetlenen PUNCH taslamasynyň dört hemrasy iberildi.
