TikTok ene-atalaryň gözegçiligi üçin täze funksiýalary goşdy. Indi ulular çagalaryň işjeňligine gözegçilik edip, çaganyň ýazylan akkauntlaryny yzarlap, onuň akkauntyna ýazylanlaryň profilini we çaganyň blokirlän adamlaryny görüp biler diýip, TechCrunch habar berýär.
Şeýle-de, programmanyň ulanylyş wagtyny çäklendirmäge mümkinçilik berýän Time Away funksiýasy peýda boldy. Ene-atalar, mysal üçin, mekdepde sapak wagty ýa-da gije wideolary görmegi gadagan etmegi sazlap biler.
Ýene bir täzelik, çaga haýsydyr bir wideony görüp, “nägilelik bildirmek” ýazgysyna basan ýagdaýynda, ene-atalara habarnamanyň gelmegidir. Bu funksiýa ýakyn aýlarda peýda bolar.
16 ýaşdan kiçi çagalar üçin TikTok programmany gije ýapmagy teklip edip başlar. Eger çaga ony 22:00-dan soň açsa, sosial ulgam rahatlandyryjy sazy aýtdyryp, dynç almagy maslahat berer.
TikTok täzelenmäniň ene-atalara çagalar bilen sanly howpsuzlyk barada gürleşmäge kömek etjekdigini aýdýar. Ýakyn wagtda dem alyş maşklary we meditasiýa funksiýasy hem peýda bolar, ol programma gije ulanylan ýagdaýynda işjeňleşdiriler.
